Kwanini Mfuko wa Ziada

Ziada Fund inatoa mbadala wa kisasa kwa amana za benki kwa wawekezaji wa muda mfupi na mrefu. Lengo lake ni kutoa faida shindani na thabiti na kutoa kipaumbele kwenye ulinzi wa mtaji kupitia uwekezaji uliogawanywa katika soko la fedha na dhamana za muda mfupi.

Mfuko huu una ukwasi wa hali ya juu, ukiruhusu kutoa sehemu ya mtaji ama mtaji wote, huku maombi ya kutoa fedha yakichakatwa ndani ya siku tatu za kazi. Hakuna ada za kuingia au kutoka, hivyo kuhakikisha upatikanaji wa mtaji bila gharama.

Vipande vya mfuko wa Ziada vinaweza kukubaliwa na taasisi za kifedha kama dhamana ya kupata mikopo, kulingana na tathmini ya mkopo ya mkopeshaji na masharti husika.

Wawekezaji pia wana fursa ya kuongeza uwekezaji wakati wowote, uchapishaji wa kila siku wa Thamani Halisi ya kipande (NAV), pamoja na mfumo kamili inayosimamiwa chini ya usimamizi wa Mamlaka ya Masoko ya Mitaji na Dhamana (CMSA).

Faida za bima ya Maisha (Kupitia Alliance Life Assurance):

• Huduma inajumuisha Malipo ya bima ikiwa mwekezaji amefariki au kapata ulemavu wa kudumu pamoja na msaada wa mazishi kwa watoto hadi wanne.
• Kiwango cha malipo ya bima: 0.25% ya thamani halisi ya kipande kwa mwaka, hulipwa kila mwaka.
• Kipindi cha kusubiri cha miezi sita kwa visababishi visivyo vya ajali.
• Msaada wa mazishi (kwa watoto hadi wanne) kuanzia Sh. 250,000 hadi Sh. 1,000,000 kulingana na thamani halisi ya kipande.